倒數前聽過最掂o既歌!! 我識鐵頭功 你有金剛腿~

Welcome to 2010~

2009最後一天

迎接橑依丫依乎~

Boxing Day 翌日

是日星期日, 亦是Boxing Day 翌日, 也即是明天是上班日(原本), 到現在還是覺得在平日的日子放假總是比假日放假更為分外柔閒, 今次更加有四日的 "分外柔閒" 真係要好好享受這一份"閒"! :D

Merry Merry Christmas~

10天的聖誕假

實在太期待喇, 今日簡直係整個holiday mood, 而又幸好不太多的工作量........ Very Nice!! 2 more hours to go to my 10 days break~Yo!! Go go go!! :D

終於放假喇!!!

好開心, 呢個星期又放補假, 而下星期o既22同24號又有得放早兩粒鐘.... 實在太好喇, 我期待已久o既10日假啊~ 返多3日工我地就可以相遇..... 真係好開心!!

唔知呢個假期會唔會搬到屋呢?!?! :D

你有壓力, 我有壓力

近排做o左個電話推銷員, 係咁起勢打電話 sell o野, 老細就差唔多日日o係咁追, 大佬呀, 你估人地一定要say yes o架咩, 即使你本雜誌有幾得都要比錢買o架, 呢個時勢有幾多人真係會bulk buy 呀!!! 而家唔好講bulk buy, only話放Form都唔多肯, 好似我地要佔o左佢地公司便宜咁..... 真氣憤!!! 需知道唔係你地諗掂, d客都會覺得掂o架嗎, 人地o係都要say no唔通我同佢講唔得, 你只可以say yes咩..... 咩叫我只係要個答案係 'YES' 呀?!?! 我夠想D客say yes 啦, 我比你地任何人更想佢地say yes,添, 不知幾想個Project 快d完成....... 我本身已經唔係多鍾意講電話o既人o黎o架啦, 而家多得你地o既引導, 已經進化到討厭電話呢個物體, 我都唔知講咩好~ 希望呢兩日過快D啦!~ 咁我就有3日free o下!!

難得的澳門遊

期待已久o既澳門遊終於o係琴日完成o左喇!!!! 首先必需要好多謝Miss Ching Ching o既陪同同埋帶領得使呢個行程得以順利完成 ^3^

琴日我地約好9:00於信德集合,搭9:15船過大海, 去到出得海關o黎都差不多成11:00~ 一出碼頭已見到有好多酒店o既旅遊巴o係度等, 我地首站選擇o左去新濠天地食個$168買一送一Buffet, 講真加埋一都每人唔使$100, 真係唔會要求咁多, 只要D o野唔難食, 又有番幾樣o野揀o下對我o黎講呢個buffet已經算OK。

食完o野之後就去o左排隊做新濠天地會員咭, 因為o係碼頭上車時, 每人派o左一張$100 coupon, 不過就要做o左member先可以用張咭玩老虎機, 結果係 ~ 我送o左$20比賭場使 =.="

玩完之後我地就行過威尼斯人, 距離好近...... 遠望過去已經覺得威尼斯人好靚, 不過入到入面, 反而驚喜就無咁大喇, 因為以前去日本都行過一個outlet D裝修都係類似......

其實我地去o左都有好幾個賭場, 因為搭賭場車係唔使錢, 我地就係利用呢個好處去唔同o既區...... :P

出到市區我地緊係有去大三巴, 手信街呢d地方啦, 而且我地仲有食胡椒餅添, 不過好可惜, 我地原本計劃要去食o既o野, 就只係成功搵到呢個胡椒餅, 而其他........... 係喪行得o黎而又搵唔到囉 ~.~

我地今次呢個澳門行真係行o左好多路, 我返到屋企之後係兩隻腳係幾乎無辦法伸直o黎行...... 真係好嚴重, 不過久唔久咁樣去做電波少年一次又真係幾好玩同開心o既, 希望下次再有機會試過!

What a Wonderful December ~